Folkert Sierts Wìnzem (Grunnen) 1948 leeft en waarkt ien Stad. Studaaierde aan Akkedemie Minervoa en Rieks Universiteit Grunnen. Sunt 1979 beeldend kunstenoar, sunt 2002 dichter en schriever ien t Grunnegers en sunt 2009 ontstoan der sumtieds gedichten ien t Duuts.

Al veule joaren laank is zien waarkterrraain de abstrakte fotogroafie. Beeldmaterioal wòrt bienkanderzammeld. Dat din vervolgens anoaloog en digitoal bewaarkt wòrt. t Is speulen mit meugelkhaiden van techniek en beeldelemìnten. Der ontstoan beeldende veurstèllens, dai nait noar aaldoagse waarkelkhaid verwiezen. Zien foto´s huiven nait schaarp wezen. Voage vörms kìnnen joa op allerhande menaaiers oetlegd wòrren. Elkenain zigt wat aanders! Dus bie hom gain fotogroafie dai ien kraanden en tiedschriften broekt wòrt. Kleur het immer en aaltied belangriek veur hom wèst. Moar lèste tied komt swaart/wit ien zien waark aalweg voaker veur.

Ien zien gedichten pebaaiert hai krekt zoäs ien zien fotogroafie op zien aigen speulse waarkwieze aan loop te wezen. Ien vergelieken mit zien fotogroafisch waark stoan zien gedichten stoever bie aaldoagse waarkelkhaid. Onnerwaarpen binnen: laifde, dood, noatuur, toal, taikens, ... Beelden wòrren laind oet wat der zo beleeft en zigt, zien dreumen, biebel, kunst, kunsthistorie! En sumtieds kìn der oet zien haart zo moar wat spontoans ontstoan. <<